GEGLADHEN LANGGAM JAWI

CATETAN LANGGAM- LANGGAM JAWI

catetan menika ngewrat sedanten syair utawi teks langgam- langgam jawi. ampun ngantos sumelang, amargi catetan menika badhe terus dipun update..

sugeng nglaras..


1. LANGGAM YEN ING TAWANG ANA LINTANG

Yen ing tawang ana lintang cah ayu
aku ngenteni tekamu
marang mega ing angkasa nimas..
sun takokke pawartamu

janji- janji aku eling wong ayu
sumedhot rasaning ati
lintang- lintang ngiwi- iwi nimas
ngenteni wulan ndadhari

dhek semana janjimu disekseni
mega kartika kairing rasa tresna asih

yen ing tawang ana lintang cah ayu
rungakna tangising ati
binarung swaraning ratri nimas
tresnaku sundul wiyati

2.LANGGAM AJA LAMIS

Aja sok gampang janji mung manis
yen ta amung lamis
becik aluwung prasaja nimas
ora agawe cuwa

tansah ngugemi tresnamu wingi
jebul amung lamis
kaya ngenteni tukuling jamur ing mangsa ketiga

aku iki prasasat
lara tan antuk jampi

mbok aja amung lamis
kang uwis dadine banjur kikis

akeh tuladha kang demen cidra
uripe rekasa
bilih sawiji ngendhi kang suci
tanggung bisa mukti

3. SARUNG JAGUNG

sarung jagung abote kebacut tresna,
tak rewangi korban jiwa raga,

mlaku adoh tan ngresula,
watone sesandingan kang gawe tentrem rasaku,
nadyan munggah gunung ora wegah,
watone tansah sumandhing,

mung tansah eling sarung jagung,
rasane kabotan tresna,
yen ta betah sedina kaya setahun,
sarung jagung abot rasaku.

4.MARI KANGEN

E..jebul kae kang tak anti- anti wus teka mrene
wes radha suwe babar pisan ora krungu kabare,

sajake radha lalen,
mung tansah dadhi impen,
yen pinuju nggeget lathi,
eseme amerak ati

E.. mari kangen muga- muga tansah temen,
atiku dadhi tentrem,
amulat netra kang tajem

mari kangen mulat sira netra tajem tyas jatmika

5.LANGGAM NYIDAM SARI

Bawa Dhandanggula :

dhuh wong ayu pepujaning ati
kaya ngene wong nandang asmara
apata awakku dhewe
dhuh dewa jawata gung,
welasa mring wak mami,
besuk kapan ketekan
jejer lan wong ayu
umpamakna nakhoda
tanpa sasadara den pepetri
ngidham sari asmara

langgam:

umpama sliramu sekar melathi
aku kumbang nyidam sari
umpama sliramu margi wong manis
aku kang bakal ngliwati

sineksen lintange luku semana
janji prasetyaning ati
tansah kumantil ing netra rinasa
kerasa rasanng ndriya

reff;
midera sakjagad raya,kalingana wukir lan samudra
ora ilang memanise adhuh, dadi ati selawase
nalika nira ing ndalu atiku, lam- lamen sira wong ayu
nganti mati ora bakal lali, lha kae lintange mlaku

6. LANGGAM ALI - ALI

bawa dhandhanggula :

jenang gula glali aja lali
ali ali niki sulih kula
aja nganggep sepele
kula mbotene melu
amung ati tansah nggondheli
yen dadi lara gela
sedhih rinten dalu
ketok -kethoken kewala
nganti anti, mbesuk apa bakal bali
yen bali beja kula

LANGGAM :

ngagema ali aliku pamrihe, aja lali marang aku,
nadyan kula mboten melu mbesuke, ngelingana lelabetku,
lamun embane cepaka emane, amung tansah gawe cuwa.
iki embane kencana pamrihe, tansah manggiha raharja

yen nganti ilang mripate jarene, nemahi rubedha,
yen nganti di nggo wong seje mbesuke wes mangsa bodhowa.

pilihanku mripat biru pamrihe mrih sulistya ingkang warni
yen takon isi atiku mbesuke mriksanana ali ali.